BAYRAQDAR MEDİA – Milliyyətçi Hərəkət Partiyası Eskişehir İl Başçısı İsmail Candemir və millət vəkilliyinə namizədləri Eskişehir Ticarət Birjası (ETB) İdarə Heyətini ziyarət edib.
Eskişehir.net xəbər verir ki, ziyarətdə İsmail Candemir və millət vəkilliyinə namizədlər – Bülent Maşaoğlu, Leman Sivri, Muhammed Bahadır Ayas, Emre Karabacak, Oğuzhan Ünal, Borsa İstanbul üzvü Hasan uzu və bərabərindəki heyət iştirak edib.
Səfər çərçivəsində şəhər və ölkə üzrə kənd təsərrüfatı, heyvandarlıq və ticarət fəaliyyəti, ETB layihələri barədə fikir mübadiləsi aparılıb.
Səfərdən məmnunluğunu ifadə edən ETB sədri və TOBB İdarə Heyətinin üzvü Ömər Zeydan MHP nümayəndə heyətinə təşəkkür edib.
O, ETB olaraq Eskişehirə maksimum fayda vermək və əlavə dəyər yaratmaq üçün çalışmağa davam edəcəklərini bildirib.
Millət vəkilliyinə namizədlər ETB-nin fəaliyyətindən böyük təəssürat aldıqlarını ifadə edərək, onlara göstərilən qonaqpərvərliyə və uğurlu işlərinə görə təşəkkürlərini çatdırıblar.
