Son yeniləmə: 3 May 2023 14:34
Mete Tümerkan: Simpoziumda aparılan müzakirələr, edilən təkliflər gələcək əməkdaşlıq və birgə addımlar baxımdan əhəmiyyətli idi
BAYRAQDAR MEDİA – “Türk Dünyası Köşə Yazarları Simpoziumunun çox əhəmiyyətli və məhsuldar olduğunu düşünürəm. Xüsusilə də rəqəmsal medianın önə çıxdığı müasir dövrdə bu cür tədbirlər ikiqat əhəmiyyət kəsb edir. Çünki ortada rəqəmsal müstəqilliik və təhlükəsizliyin dövlətlərin müstəqilliyi və təhlükəsizliyi baxımından nə qədər önəmli olduğu reallığı var”.
Bunu tədbiri BAYRAQDAR MEDİA-ya üçün dəyərləndirən Haber Kıbrıs Dijital Grup Yönetim Kurulu Başkan Mete Tümerkan deyib.
Onun sözlərinə görə, simpoziumda aparılan müzakirələr, edilən təkliflər gələcək əməkdaşlıq və birgə addımlar baxımdan əhəmiyyətli idi: “Bu gün türk dünyasının üzləşdiyi əsas problemlərdən biri də dezinformasiyadır. Hesab edirəm ki, dezinformasiyaya qarşı birlikdə mübarizə aparmalıyıq. Bu baxımdan da bu cür tədbirlər vacibdir. Burada gələcəkdə birgə atıla bilinəcək addımlardan bəhs edildi, yollar göstərildi”.
Mete Tümerkan tədbirin digər əhəmiyyətinin də ortaq dillə bağlı olduğunu bildirib: “Burada müzakirələr zamanı əsas fikirlərdən biri də ortaq dilin müəyyən edilməsi ilə bağlı oldu. Bununla bağlı da fərqli fikirlər və gözəl təkliflər səsləndirildi. Önəmli olan bu təkliflərin, səsləndirilən fikirlərin reallaşması istiqamətində davamlı addımların atılmasıdır. Yəni, səslənən təkliflər sözdə qalmamalı, onların həyata keçirilməsi üçün addımlar atılmalıdır. Həmçinin, Türk Dünyası Köşə Yazarları Simpoziumunun da davam etməsini istəyirəm. Hesab edirəm ki, bu simpoziumun növbətisi digər türk dövlətlərindən birində keçirilə bilər”.
“Türk Dünyası Köşə Yazarları Birliyi yaransın” təklifini də dəstəkləyən M.Tümerkan deyib: “Hesab edirəm ki, bu təklif çox gərəklidir. Türk Dövlətləri Təşkilatı daxilində gedən proseslər fonunda Türk Dünyası Köşə Yazarları Birliyi yaransa, bu ümumi işimizin xeyrinə ola bilər”.
