Son yeniləmə: 3 May 2023 13:46
BAYRAQDAR MEDİA – “Azərbaycan Dəmir Yolları” QSC Bakı-Ağstafa-Bakı marşrutu üzrə artmaqda olan sərnişin tələbatı ilə əlaqədar olaraq 6-7 may tarixlərinə hər iki istiqamət üzrə əlavə qatar reysləri təyin edib.
Bu barədə BAYRAQDAR MEDİA-ya mayın 3-də qurumdan məlumat verilib.
Bildirilib ki, 6-7 may tarixlərində əlavə reys üzrə saat 08:25-də Bakı Dəmiryol Vağzalından yola düşən qatar Ağstafaya saat 13:20-də çatacaq: “Əks istiqamət üzrə 6-7 may tarixlərində əlavə reyslə saat 15:30-da Ağstafadan yola düşən qatar Bakı Dəmiryol Vağzalına saat 20:25-də çatacaq”.
Xatırladaq ki, Bakı-Ağstafa-Bakı marşrutu üzrə ənənəvi qrafiklə hər gün saat 08:45-də Bakıdan yola düşən qatar saat 13:40-da Ağstafaya, əks istiqamətdə saat 17:10-da Bakıya yola düşən qatar isə saat 22:05-də mənzilbaşına çatır.
