Son yeniləmə: 2 May 2023 13:13
BAYRAQDAR MEDİA – Türkmənistanda hər il ənənəvi olaraq türkmən atı milli bayramı keçirilir. Bu il də eyni coşqu yaşanıb.
Atavatan-turkmenistanın məlumatına əsasən bu münasibətilə ölkədə geniş şənliklər keçirilib: “Konsertlər, sərgilər, ədəbi-musiqili, poetik tamaşalar, atçıların və cinslərin mükafatlandırılması tədbirləri təşkil olunub”.
Məlumata əsasən, şanlı günün şərəfinə Serdar Berdimuhamedovun iştirakı ilə Beynəlxalq Axalteke Atçılıq İdman Kompleksində əsas bayram tədbirləri keçirilib: “Tədbirin keçirildiyi yerə Türkmənistan Məclisinin sədri, Nazirlər Kabineti baş nazirinin müavinləri, hərbi və hüquq-mühafizə orqanlarının rəhbərləri, xarici ölkələrin Türkmənistanda fəaliyyət göstərən diplomatik nümayəndəliklərinin və beynəlxalq təşkilatların nümayəndələri, kütləvi informasiya vasitələrinin nümayəndələri toplaşıblar. Hər kəsi gözəl bayram münasibəti ilə təbrik edən Türkmənistan Prezidenti kompleksin ərazisinə daxil olub. Burada ölkənin hər yerindən rəssamların və xalçaçıların yaratdığı əsərlərdən ibarət sərgi keçirilib. Sənətçilər türkmən liderini səmavi atlara həsr etdikləri musiqilərlə qarşılayıblar”.
Sonra at yarışları keçirilib və qaliblərə mükafatlar verilib.
