Son yeniləmə: 2 May 2023 10:26
BAYRAQDAR MEDİA – Hər il uğur TEKNOFEST zamanı şkalasını bir pillə yüksəldən qardaş Türkiyənin Pamukkale Universiteti bu dəfə də ənənəsinə sadiq qalıb. Belə ki, bu ali təhsil ocağının “Hazar” komandası Şaquli Eniş Raketi kateqoriyasında birinci yerə layiq görülüb. Komandaya mükafatı Cümhurbaşqanı Recep Tayyip Erdoğan təqdim edib.
Eyni zamanda YÖK başkanı Prof. Dr. Erol Özvar, universitetin rektoru Prof. Dr. Ahmet Kutluhan Pamukkale Universitetinin stendini ziyarət edərək Şaquli Eniş Raket Yarışmasında birincilik mükafatını qazanan “Hazar” Komandasını təbrik edib, uğurların davamlı olmasını arzulayıblar.
Onu da qeyd edək ki, Pamukkale Universiteti Türkiyənin ilk və yeganə aviasiya, kosmos və texnologiya festivalı olan TEKNOFEST 2023-də daha bir mükafata layiq görülüb. ATAY Elektromobil Komandası “Alatay” adlı avtomobili ilə Beynəlxalq Efficiency Challenge Elektrikli Avtomobil Yarışmasında İdarə Heyətinin Xüsusi Mükafatını qazanıb.
