Son yeniləmə: 2 May 2023 16:20
BAYRAQDAR MEDİA – Fənn olimpiadalarının respublika mərhələsinin final turu başlayıb.
Elm və Təhsil Nazirliyindən verilən məlumata görə, ilk olaraq fizika və coğrafiya fənləri üzrə final mərhələsi keçirilir: “Fizika fənni üzrə 122, coğrafiya fənni üzrə 121 nəfər olmaqla ümumilikdə 243 şagird bu mərhələdə iştirak edir. Olimpiadanın ilkin nəticələri imtahan günü və ya bir gün sonra olimpiadanın saytında elan olunacaq”.
Qeyd edilib ki, mayın 3-də riyaziyyat, mayın 4-də biologiya, mayın 6-da Azərbaycan dili və ədəbiyyat, tarix və informatika, mayın 10-da isə kimya fənləri üzrə respublika fənn olimpiadalarının final turu keçiriləcək: “İnformatika fənnindən yuxarı yaş qrupu (10-11-ci siniflər) üzrə final turu ADA Universitetində, aşağı yaş qrupu (8-9-cu siniflər) üzrə final turu Bakı Ali Neft Məktəbinin Bayıl korpusunda, digər fənlər üzrə isə “Hyatt Regency” hotelində təşkil olunacaq”.
