Son yeniləmə: 1 May 2023 16:10
BAYRAQDAR MEDİA – Energetika naziri Pərviz Şahbazov Avropa İttifaqının (Aİ) enerji məsələləri üzrə komissarı Kadri Simsonun dəvəti ilə Belçika Krallığına səfər edib. Nazir və onun rəhbərlik etdiyi nümayəndə heyətimayın 2-də paytaxt Brüssel şəhərində keçiriləcək Azərbaycan-Avropa İttifaqı yüksək səviyyəli enerji dialoqunun növbəti görüşündə iştirak edəcək.
Bu barədə BAYRAQDAR MEDİA-ya mayın 1-də Energetika Nazirliyindən məlumat verilib.
Bildirilib ki, görüş çərçivəsində Cənub Qaz Dəhlizinin genişləndirilməsi, bərpa olunan enerji, enerji səmərəliliyi sahələri üzrə əməkdaşlıq məsələləri,eləcə də Avropa İttifaqı ilə Azərbaycan arasında enerji sahəsində Strateji Tərəfdaşlığa dair Anlaşma Memorandumunun icra vəziyyətinə dair müzakirələrin aparılması nəzərdə tutulur.
