Son yeniləmə: 28 Aprel 2023 14:53
BAYRAQDAR MEDİA – AMEA Mərkəzi Elmi Kitabxanasında yer alan nəşrlər sırasında müəllifi ilahiyyatçı-alim Məhəmməd Hadi Mərifət olan “Quranın tarixi” kitabıdır.
6 fəsildən ibarət olan kitabda “Quranda vəhy”, “İnsanın ruhani təbiəti”, “Surələrin adları”, “Qiraətin tərifi”, “İmamiyyə rəvayətləri”, “Alimlərin fitvaları”, “İslamda tərcümə tarixi”, “Quranın digər dünya dillərinə tərcümələri” və s. başlıqlarda yazılar verilib.
Nəşrin giriş hissəsində şərqşünas-alim, akademik Vasim Məmmədəliyevin fikirləri yer alır. Alim qeyd edir ki, müəllif tədqiq etdiyi məsələlər barəsində quranşünaslıqda mövcud olan fikirləri sadalamaqla kifayətlənməyib, yeri gəldikcə bir sıra görkəmli alimlərlə mübahisəyə girərək onların bəziləri haqqında özünün orijinal fikir və mülahizələrini irəli sürüb.
