BAYRAQDAR MEDİA – YARAT Müasir İncəsənət Mərkəzi Kommünike layihəsində bu dəfə Türkiyəli rəssam Hakan Gürsoytrakın “Fiskos” silsiləsi əsərini təqdim edib.
Bu haqda YARAT-ın yaydığı xəbərdə deyilir.
Xəbərdə bildirilir ki, “rəsm əsəri doqquz tablodan ibarətdir. Əsərdə gözünü qurbana deyil, qürurluya çevirmiş, tamaşaçılara baxaraq dedi-qodu edən iki fiqur təsvir edilib. Divarın boş və ağ fonu fiqurları sanki əridir və bu ciddi adamlar bizə qəribə perspektivlə yanaşır. Tablolarda böyük və əhəmiyyətli adamlar görünür. Onların təkəbbürlü, qaşqabaqlı üzlərinin arxasında gizlətdikləri kimlik, əslində maskaları düşdüyündə ortaya çıxacaq həqiqətlərin narahatlığını ehtiva edir. Əslində, kostyum və qalstuklarının ciddi görüntüləri altında gülünclük yatır”.
