Son yeniləmə: 27 Aprel 2023 15:12
BAYRAQDAR MEDİA – Türkiyədə kieçiriləcək parlament seçkilərində İstanbul 3- cü bölgədən müstəqil namizəd kimi iştirak edən Anka Türk Birliyinin sədri, Azərbaycan əslli araşdırmaçı yazar Derya Akdemir Vektor Beynəlxalq Elmlər Akademiyasının rəyasət heyətinin qərarına əsasən türk dünyasına xidmət mükafatına layiq görülüb. Mükafat Derya Akdemirə türk dünyası arasında siyasi – ictimai, sosial – mədəni əlaqələrin formalaşması istiqamətində göstərdiyi xidmətlərə görə verilib.
Bu barədə BAYRAQDAR MEDİA-ya aprelin 27-də namizədin özü məlumat verilib.
Onun sözlərinə görə, Türkiyədə gərgin bir şəkildə seçki kampaniyası çərçivəsində çalışarkən, aldığı bu xəbər onu olduqca sevindirib: “Türk dünyası ilə bağlı fəaliyyətlərimizi illərdir davam etdiririk. İnşaallah seçkilırdə qələbə qazanıb Türkiyə Böyük Millət Məclisində mandatımızı aldıqdan sonra bu sahədə fəaliyyətlərimiz daha da səmərəli olacaq. Türk dünyasının xeyrinə olacaq səmərəli təkliflərlə çıxış edəcək, yeni geosiyasi mühitdə ölkələrimizin əlaqələrinin bundan sonra da intensiv olması üşün əlimizdən gələni əsirgəməyəcəyik. Bu mükafat isə mənim üçün ayrıca stimul oldu. Azərbaycanımıza, başda “Vektor” Beynəlxalq Elmlər Akademiyasının prezidenti prof.dr.Elçin İsgəndərzadəyə bu önəmli ödül üçün təşəkkür edirəm və bildirmək istəyirəm ki, hər zaman Azərbaycan Türkiyə münasibətlərində, eyni zamanda türk dünyası ilə bağlı çalışmalarda öz təhfəmi verəcəyəm”.
