Son yeniləmə: 27 Aprel 2023 15:38
BAYRAQDAR MEDİA – “Türk Dövlətləri Təşkilatının üzv ölkələri birlikdə televiziya yayım edib, dünyaya yaymalıdır. Müasir dövrdə bu olduqca vacibdir”.
Müstəqil siyasət yürüdən ölkələr dezinformasiyaya daha çox məruz qalırlar
Bunu aprelin 27-də İstanbulda keçirilən Türk Dünyası Köşə Yazarları Simpoziumundakı çıxışında Türkiyə Cumhurbaşkanlığı İletişim Başkanlığı Basın ve Yayın Dairesi Başkanı, TRT Yönetim Kurulu üyesi Doç. Dr. Oğuz Göksu deyib.
Onun sözlərinə görə, bununla bağlı TRT AVAZ böyük işlər görür: “Bildiyiniz kimi, bu kanalda ortaq yayımlar edərək, türk dövlətlərinin tarixi, mədəniyyəti və digər sahələr haqqında filmlər, sənədli filmlər və verilişlər yayımlanır və bu böyük əhəmiyyət kəsb edir”.
Doç. Dr. Oğuz Göksu qeyd edib ki, bu istiqamətdə atılan addımlar sırasında son zamanlar populyarlıq qazanan türk seriallarının da əhəmiyyətini xüsusi vurğulmaq lazımdır: “Bu gün türk serialları Fransadan Çinə, Perudan Kanadaya, Hindistandan belə bütün dünyaya yayılır. Biz buna yumşaq təbliğat da deyə bilərik. Son zamanlar dünyada türk dilinə maraq artıb. Misal olaraq qeyd edim ki, artıq ABŞ-da Yunus Emre İnstitutu türk dili kursları açıb, insanlarda buna böyük maraq var”.
