BAYRAQDAR MEDİA – Əslən Güney Azərbaycanın Təbriz şəhərindən olan, hazırda Bakıda yaşayan şair və tərcüməçi Ümid Nəccari baş qərargahı Belçikada yerləşən BOGDANİ Beynəlxalq Yazarlar Assosiasiyasının vitse-prezidenti seçilib. O, eyni zamanda qurumun Asiya bölməsinin prezidenti vəzifəsinə də təyinat alıb.
Bu haqda xəbəri sözügedən qurum aprelin 25-də yayıb.
https://www.iwabogdani.org/2023/04/25/umid-najjari-vice-president-of-iwa-bogdani/
Xəbərlə bərabər Ümid Nəccarinin bioqrafiyası, həmçinin ədəbi yaradıcılığı, qazandığı mükafatlar haqqında məlumat da geniş şəkildə təqdim edilib.
Qeyd edək ki, Azərbaycan ədəbi ictimaiyyətinə də yaxşı tanış olan Ümid Nəccari 1989-cu ildə Təbrizdə anadan olub. O, bir müddət bu şəhərdə yaşayıb təhsil aldıqdan sonra Azərbaycan Respublikasına yerləşib, burada ailə həyatı qurub və daimi yaşamaqdadır.
Ümid Nəccari eyni zamanda ədəbi-ictimai işlərdə fəallığı ilə də seçilir.
Qeyd edək ki, sözügedən qurum Albaniyanın ilk yazıçısı Pyetör Bogdaninin şərəfinə belə adlandırılıb. P.Bogdani 17-ci əsrdə yaşayıb, alban dilində ilk nəsrin bilinən yazarıdır.
