Elgün Məmmədov: Bu cür mötəbər yarışların Ermənistanda keçirilməsinə qadağa qoyulmalıdır
BAYRAQDAR MEDİA – “Giresun Azərbaycanlılar Dərnəyində Ermənistanda keçirilən ağır atletika üzrə Avropa çempionatında zəfər qazanaraq zəfərini Azərbaycana həsr edən Giresun şəhərində yaşayan idmançı Cansu Bektaş ilə görüş keçirildi. Görüş zamanı Cansu Bektaş, Ermənistanda qarşılaşdığı irqçi davranışlara rəğmən qalib gəldiyini və qalibiyətini Azərbaycana həsr etməkdən qürur duyduğunu bildirdi”.
Bunu BAYRAQDAR MEDİA-ya sözügedən dərnəkdən məlumat verilb.
Məlumata görə, Giresun Azərbaycanlılar Dərnəyinin sədri Elgün Məmmədov görüşdə Ermənistanın qeyri-etik və mədəniyyətdən uzaq bu davranışının ilk olmadığını bildirib: “Dərnək sədri bu cür halların bir daha yaşanmaması üçün, Ermənistanın potensialını aşan bu cür mötəbər yarışmaların həmin ölkədə keçirilməsinə qadağa qoyulmasının vacib olduğunu söylədi”.
Məlumatda həmçinin, “daha sonra Cansu Bektaşa plaket və Azərbaycan bayrağı hədiyə edərək gələcək həyatında müvəffəqiyyət diləyən E.Məmmədov, Azərbaycan-Türkiyə qardaşlığını bir daha bütün dünyaya nümayiş etdirdiyi üçün Azərbaycan xalqı və dövləti adından ona təşəkkür etmişdir” deyə bildirilib.
