BAYRAQDAR MEDİA – Birləşmiş İraq Türkmən Cəbhəsi Siyahısı növbəti bəyanat yayıb.
Türkmeneli TV xəbər verir ki, qurum İraq federal hökumətinin türkmənlərə qarşı ögey münasibətindən narazılığını ifadə edib.
Bəyanatda həmçinin, “Əhalisinin sıx olduğu Mosul, Səlahəddin və Diyaledə türkmənlərin təmsil olunmaması, İraqın birliyi və terrordan azad edilməsi üçün qurban verən türkmənlərin niyə hədəfə alındığı suallarını ağlımıza gətirir” deyə bildirilib.
Kərkükdə heç bir partiyanın vəzifələri ələ keçirməsinə icazə verməyəcəklərini bildirən Birləşmiş İraq Türkmən Cəbhəsi Siyahısı hər kəsi birliyə çağırıb və türkmənlərin təmsilçisi olmağa davam edəcəyini vurğulayıb.
