Son yeniləmə: 18 Aprel 2023 12:06
BAYRAQDAR MEDİA – Müdafiə nazirinin təsdiq etdiyi 2023-cü il üçün hazırlıq planına əsasən, “N” hərbi hissəsində bir qrup hərbi vəzifəlilərin təlim toplanışı keçirilir.
Bu haqda xəbər BAYRAQDAR MEDİA-ya aprelin 18-də Müdafiə Nazirliyindən daxil olub.
Xəbərdə deyilir ki, “ehtiyatdan çağırılan hərbi vəzifəlilər toplanış məntəqəsinin qərargahında müvafiq qeydiyyatdan və həkim müayinəsindən keçdikdən sonra hərbi geyim, həmçinin digər təminat növləri ilə təmin olunublar”.
Qeyd edək ki, hərbi vəzifəlilərin cəlb olunduğu toplanışın əsas məqsədi onların döyüş vərdişlərini, hərbi ixtisas və təcrübələrini təkmilləşdirməklə yanaşı, Azərbaycan ordusunun arsenalında olan müasir silah və hərbi texnika ilə yaxından tanış etmək, istismar qaydalarını öyrətməkdir.
