Son yeniləmə: 18 Aprel 2023 13:10
BAYRAQDAR MEDİA – “Bu yalnız bir televiziya deyil, ümumilikdə, ölkədə və dünyada baş verənlərdən operativ xəbər almaq istəyən oxucular üçün qərəzsiz, inamlı, vicdanlı, bir sözlə desək, jurnalist etikasının bütün kriteriyalarını özündə cəmləşdirən media qurumudur”.
Bunu BAYRAQDAR MEDİA-ya özəl açıqlamasında aprelin 12-də 1 yaşını qeyd edən “Bu gün TV”nin təsisçisi, Əməkdar jurnalist Elnarə Dərziyeva deyib.
Rəhbərlik etdiyi media qurumunun yaranma tarixi barədə danışan E.Dərziyeva, “biz, 2 il öncə ölkə mediasının inkişafina dəstək məqsədi ilə bir yola çıxdıq. Bunun üçün əvvəlcə 2021-ci ilin iyul ayında təsis etdiyim Media Tədris Mərkəzi fəaliyyətə başladı. Daha sonra Azərbaycan mediasının inkişafında təcrübənin əsas rol oynadığını nəzərə alaraq tələbələrimizlə birlikdə bir yeniliyə imza atmaq qərarına gəldik – “Bu gün TV”ni yaratdıq” deyə, qeyd edib.
Onun sözlərinə görə, bu bir il ərzində “Bu gün TV” informasiya agentliyi olaraq medianın inkişafına təkan vermək uğrunda çalışıb: “Əminəm ki, işgüzar və həvəsli komandamızla peşəkar jurnalistikanın necə olduğunu əyani şəkildə göstərə bilirik”.
Gələcək yaradıcılıq planlarına gəlincə, E.Dərziyeva bu yaxınlarda müxəlif sahələri, mövzuları əhatə edən televiziya verilişlərinə başlayacaqlarına vurğulayıb: “Əminəm ki, bu işdə də uğur bizim olacaq. Mən bu yolda birgə addımladığımız kollektivimizə yüksək nailiyyətlər arzulayıram!Uğurlar bizə!”.
