BAYRAQDAR MEDİA – AMEA Mərkəzi Elmi Kitabxanasının əməkdaşlarına qlobal elmi məkanda informasiya proseslərinin idarə olunması, öyrənilməsi, qiymətləndirilməsi, bu proseslərə nüfuz etmək və Azərbaycan elmi informasiya məkanında yerini, çəkisini müəyyənləşdirərək tətbiqi sahəsində təlim keçirilib.
Bu haqda xəbər BAYRAQDAR MEDİA-ya aprelin 13-də MEK-dən daxil olub.
Xəbərdə deyilir ki, “təlim Dos. Dr. Pərviz Kazımi tərəfindən keçirilib. Təlim çərçivəsində kitabxanadakı mütəxəssislərə yeni trendlər, istiqamətlər, tətbiqi sahələrlə əlaqədar məlumat verilib. Həmçinin iştirakçılara indeksləşən və arxivləşən məlumat bazaları, elmi müəssisə, elmi jurnal, müəllif və məqalələrin indeksləşməsi, metriks ölçülər və reytinqlərin hesablanması, akademik profillərin yaradılması, elmi məqalələrin formatı və s. mövzularda məlumat verilib”.
Daha sonra xəbərdə bildirilir ki, “elmmetrik fəaliyyət son 20 ildə çox populyar, əhəmiyyətli bir istiqamətdir və Azərbaycanda bu informasiya proseslərinin öyrənilməsi ilə əlaqədar mütəxəssislərin yetişdirilməsinə önəm verilir. Qeyd olunub ki, elmi informasiya müəssisəsi olaraq MEK bu prosesləri öyrənən bir mərkəzdir”.
Sonda təlim iştirakçılarını maraqlandıran suallar cavablandırılıb.
