Son yeniləmə: 10 Aprel 2023 17:41
BAYRAQDAR MEDİA – Bolqarıstanın Razqrad vilatəyətinin Terter (Tərtər) kədindən olan 100 yaşlı Radka nənəı bütün partiyaların və siyasətçilərin adlarını əzbər bilir.
Xəbəri Radio Bolqarıstan yayıb.
Məlumata əsasən, Radka nənə deyir ki, yaş önəmli deyil və insan 100 yaşında olsa belə, ölkəsində nə baş verdiyini bilməlidir.
Kənd muxtarı Nikolay İvanov “Radka nənə bizi ruhlandırır! Yaşına baxmayaraq, səhhəti yaxşıdır, televiziyada xəbərlərə baxır, qəzet oxuyur” deyib.
Məlumata əsasən, Radka Delçeva 1922-ci ilin sentyabrında Rumıniyanın Çerna kəndində anadan olub. 18 yaşında olarkən Bolqarıstan Çarlığı ilə Rumıniya Krallığı arasında imzalanmış Krayovas müqaviləsi nəticəsində 8 bacısı ilə Terter kəndində məskunlaşıb.
“Radka nənə heç vaxt seçkidən yayınmır, gəlib seçki məntəqələrində səs verir, qohumları da onu müşayiət edir”, – deyən Nikolay İvanov kənd sakinlərinin ona heyran olduğunu bildirib.
Kənd muxtarının sözlərinə görə, Radka nənə əsl fenomendir. Qadın kənddə, ölkədə baş verənləri qonşuları ilə danışmaq, müzakirə etmək üçün evinin qarşısına çıxır.
Radka nənə evdə hazırlanmış yeməklərlə qidalanır və heç bir dərman istifadə etmir.
