Son yeniləmə: 7 Aprel 2023 12:13
BAYRAQDAR MEDİA – Yeni Balkan Nəşriyyatı 2023-cü ildə də kitab nəşri fəaliyyətini davam etdirir.
“Yeni Balkan” bu dəfə də kitabsevərləri Hüseyn Muslinin real həyat hekayəsindən uyğunlaşdırılmış “Qızıl yol” romanı ilə bir araya gətirir.
Yeni Balkan xəbər verir ki, müəllif romanda Skopyenin köklü futbol klublarından olan “Sloqa”nın əfsanəvi futbolçusu olan atası Selaydin Muslinin hekayəsindən bəhs edir.
1963-cü ildə Skopyedə baş verən böyük zəlzələnin yaratdığı psixoloji sarsıntılardan xilas yolu kimi gördüyü futbolla məşğul olan Selaydin Musli bir gün Yuqoslaviyanın ən böyük klublarından biri olan “Qırmızı ulduz” komandasının formasını geyinməyi xəyal edir. Bu məqsəd uğrunda mübarizəni müəllif oxucularla bölüşür.
Ədəbiyyat və idmanı birləşdirən bu əsərdə Skopyeli bir türk gəncinin macərası, 1950-60-cı illərdə türk ailəsinin həyatı, Skopyedə məhəllə mədəniyyəti, məhəllə münasibətləri, vətənə köç, 1963-cü il zəlzələsi yer alır.
Romanda hadisələr 1950-1980-ci illər arasında Yuqoslaviyanın Skopye, Lyublyana, Prokuplye, Belqrad və Priştina şəhərlərində cərəyan edir.
“Qızıl yol” romanı uzun illər Yeni Balkanlarda jurnalist kimi çalışan Hüseyn Muslinin ilk nəşr olunan kitabıdır
