Son yeniləmə: 7 Aprel 2023 12:14
BAYRAQDAR MEDİA – Türkiyənin ratifikasiya sənədini ABŞ-a təqdim etməsindən sonra Finlandiya NATO-ya 31-ci üzv kimi daxil olub.
Kibris Türk xəbər verir ki, Finlandiyanın üzvlüyündən sonra NATO ölkələrinin liderləri bir-birinin ardınca məmnunluq mesajları dərc ediblər: “Helsinki administrasiyası Twitter hesabında bütün NATO ölkələrinə təşəkkür mesajı da paylaşıb. Mesajda Finlandiya NATO-ya üzv ölkələrlə Avropanın xəritəsi də paylaşılıb.
Paylaşımda üzv ölkələr yaşıl rəngdədir. Finlandiya səlahiyyətlilər xəritəli paylaşıma “Finlandiyanın NATO üzvlüyünü təsdiq edən 30 müttəfiqin hamısına ürəkdən təşəkkürlər” sözlərini yazıblar”.
Məlumatda deyilir ki, xəritədəki kiçik bir detal günlər sonra diqqət çəkib: “Finlandiya paylaşdığı xəritədə KKTC-ni göstərən sərhəd çəkərək adanı ikiyə bölüb. Digər tərəfdən, NATO-nun rəsmi Twitter hesabında Finlandiyanın KKTC-yə də yer ayırdığı paylaşımı retweet edilib”.
