BAYRAQDAR MEDİA – 3-4 aprel 2023-cü il tarixlərində Rusiyanın paytaxtı Moskva şəhərində “A.S.Puşkin və kitab” adlı beynəlxalq elmi-praktik konfrans keçirilib.
Bu haqda xəbər BAYRAQDAR MEDİA-ya aprelin 5-də MEK-dən daxil olub.
Xəbərdə deyilir ki, “Rusiya Dövlət Kitabxanası, A.S.Puşkin Dövlət Muzeyi və Rusiya Təhsil Akademiyasının “Təhsil və mədəniyyət” şöbəsinin təşkilatçılığı ilə baş tutan konfransda MDB ölkələrindən bir çox alim və tədqiqatçılar iştirak edib. Konfransda Azərbaycanı MEK-in icraçı direktoru, Dos. Şəhla Tahirqızı, Komplektləşdirmə şöbəsinin müdiri Gülnar Məmmədova və Biblioqrafiya şöbəsinin biblioqrafı Türkan Vahidova təmsil edib. Onlayn şəkildə qoşulan əməkdaşların “A.S.Puşkinin MEK-in fondlarında qorunan irsi” mövzusunda məruzələri dinlənilib. Konfrans iştirakçıları tərəfindən maraqla qarşılanan məruzənin sonunda mövzu ətrafında geniş müzakirələr aparılıb və suallar cavablandırılıb”.
