BAYRAQDAR MEDİA – Quzey Makedoniyanın paytaxtında dörd ölkə – Quzey Makedoniya, Albaniya, Monteneqro və Kosovodan ibarət Batı Balkan dördlüyü adlı platforma yaradılıb.
Bu barədə Balkan News məlumat yayıb.
Məlumata əsasən, Quzey Makedoniyanın xarici işlər naziri Bujar Osmani bildirib ki, onun iştirakçı ölkələrin nümayəndələri ilə birgə elan etdiyi təşəbbüs AB-nin ümumi xarici və təhlükəsizlik siyasətinə uyğundur.
Məlumatda vurğulanıb ki, Albaniyanın xarici işlər naziri Olta Xaçka, Kosovonun xarici işlər nazirinin müavini Kreşnik Ahmeti və Monteneqronun baş nazirinin müavini Djordje Radulovic də iştirak etdiyi toplantıda dörd ölkənin yeni geosiyasi reallıq, hibrid təhdidlər, enerji böhranı və Ukrayna müharibəsinin iqtisadi təsirləri fonunda fonunda AB-nin xarici və təhlükəsizlik siyasəti müzakirə edilib.
Görüşdən sonra B.Osmani bildirib ki, görüşün əsas mövzusu bu ölkələrin hara aid olduğunu açıq şəkildə ortaya qoyub.
Serb mediası isə Kosovonun daxil olduğu yeni siyasi ittifaqın Serbiyaya qarşı olduğunu iddia edib.
