Son yeniləmə: 30 Mart 2023 10:29
BAYRAQDAR MEDİA – Xəbər verdiyimiz kimi Kuzey Kıbrıs Türk Cümhuriyyətinin (KKTC) Cümhurbaşqanı Ersin Tatar Londona səfər edib. Səfər zamanı bir sıra görüşlər keçirən KKTC Cümhurbaşqanı martın 29-da xoşagəlməz hadisə, daha doğrusu təxribatla üzləşib. Bu barədə Kibris Postası məlumat yayıb.
Öz növbəsində KKTC Cümhurbaşqanlığından verilən məlumata görə, Londondakı Kings Collegedə Kıbrıs məsələsi ilə bağlı konfrans verməyə gedən E.Tatara qarşı maneələr yaradılıb. Əllərində Yunanıstan və Güney Kıbrıs bayraqları tutan qrup tərəfindən “Türk ordusu Kıbrısdan çıx” və “Türklərə və Tatara ölüm” şüarları səsləndirilib. Qrupa təhlükəsizlik işçiləri müdaxilə etdikdən sonra E.Tatarın tədbir yerinə gedib.
Qeyd edək ki, həmin vaxt ərazidə olan türk tələbələr E.Tatarı alqışlarla dəstəkləyiblər.
E.Tatar TRT Haberə açıqlamasında “Bizim xalq heç vaxt onlara belə biabırçılıq etməzdi. Onların rüsvayçılığını bir daha gördük” deyib.
Kuzey Kıbrıs Türk Cumhuriyeti (KKTC) Cumhurbaşkanı Ersin Tatar, TRT Haber'e açıklama yapıyor. https://t.co/BbZjQksXR6
— TRT Haber Canlı (@trthabercanli) March 29, 2023
E.Tatar Türkiyənin vitse-prezidenti Fuat Oktayın ona zəng edərək ən xoş arzularını çatdırdığını da bildirib.
Yeri gəlmişkən, hadisədən sonra F.Oktay E.Tatara hücum cəhdini pisləyərək, “Cümhurbaşqanımız, millətimiz və şəxsən öz adımdan ən xoş arzularımı çatdırıram. Türkiyə olaraq hər zaman və hər məsələdə yanınızdayıq” deyib.
Öz növbəsində Türkiyənin xarici işlər naziri Mevlüt Çavuşoğlu, AK Partinin sədr müavini Numan Kurtulmuş da bu hadisəni pisləyiblər.
Kıbrıs Türk Devleti Başkanı Sayın Ersin Tatar'a Londra'da gerçekleştirilmeye çalışılan saldırı girişimini şiddetle kınıyoruz.
Sayın Tatar'a karşı düzenlenen bu saldırı girişimine karşı İngiliz makamlarını derhal gereğini yapmaya davet ediyoruz.
Kıbrıs Türk'ünün kaderi…
— Numan Kurtulmuş (@NumanKurtulmus) March 29, 2023
KKTC baş naziri Ünal Üstel, xarici işlər naziri Tahsin Erduğruloğlu, hökumət ortaqları olan partiyaların rəhbərləri də bu hadisəni kəskin şəkildə qınayıb, bunu KKTC dövlətinə qarşı edilən hücum kimi dəyərləndiriblər.
