BAYRAQDAR MEDİA – Aprelin 1-dən etibarən “Park Cinema” kinoteatrlar şəbəkəsi Azərbaycan və Türk filmlərinə super elan edir.
Bu barədə BAYRAQDAR MEDİA-ya martın 29-da “Park Cinema”dan məlumat verilib.
Bildirilib ki, 1 ay boyunca bütün yerli və Türkiyə istehsalı olan filmlərə bilətlərin qiyməti cəmi 5 manat olacaq: “Aksiyanın məqsədi yerli filmlərin inkişafına təkan vermək və tamaşaçılara filmləri kinoteatrda izləmək vərdişini aşılamaqdır. Bir ay davam edəcək aksiyada, yerli “Elçilik”, “Hozu Cangüdən”, “Evdə qalmış”, “Xənnas” və digər filmlər yer alacaqdır. Qardaş Türkiyə istehsalı olan filmlərdən isə Mahsun Kırmızıgülün yeni “Prestij Meselesi”, Şafak Sezerdən “Kutsal Damcana”, məşhur dram “İncir Reçeli 2” və digər filmlər yer alacaqdır”.
Qeyd edilib ki, “Park Cinema” kinoteatrlar şəbəkəsinə Park Bulvar, Metro Park, Alov Qüllələri, Zagulba Mall vəAygun Mall-da yerləşən kino mərkəzləri daxildir. Aksiya ilə bağlı ətraflı məlumat almaq üçün www.parkcinema.azsaytına keçid edə bilərsiniz.
