BAYRAQDAR MEDİA – Aprelin 1-də Akademik Opera və Balet Teatrında Üzeyir Hacıbəylinin üç pərdəli “Koroğlu” operası nümayiş olunacaq.
Bu haqda sözügedən Teatrın yaydığı xəbərdə bildirilir.
Xəbərdə deyilir ki, “SSRİ Xalq artisti Lütfiyar İmanovun anadan olmasının 95 illiyinə həsr olunan nümayişdə əsas rolları Xalq artistləri Samir Cəfərov, Əkrəm Poladov, Əməkdar artistlər İlahə Əfəndiyeva, Cahangir Qurbanov, Tural Ağasıyev, Teatrın solistləri Mahir Tağızadə, Fəhmin Əhmədli, Taleh Yahyayev, Aytən Məhərrəmova, Nəzər Bəylərov, Emin İsmayilov və digərləri canlandıracaq”.
Saat 19:00-da başlayacaq tamaşanın dirijoru Əməkdar artist Əyyub Quliyev, xormeysteri isə Əməkdar incəsənət xadimi Sevil Hacıyevadır.
