BAYRAQDAR MEDİA – Little YARAT uşaqlar üçün ustad dərslərinin aprel ayı proqramını təqdim edib.
Bu haqda YARAT-ın yaydığı xəbərdə deyilir.
Xəbərdə bildirilir ki, “aprelin 1-16-da “Yer kürəsinə ismarıc”, “Ulduz axtarışında”, “Parça-parça rənglər”, “Günəş ətrafında” mövzularında olacaq ustad dərslərində iştirakçılara kətan üzərində toxum və əlaltı incəsənət ləvazimatları ilə elmi təcrübə aparmaq, təbiət elementlərinin tekstura və quruluşlarını teleskop vasitəsilə müşahidə etmək, kəşf etdikləri unikal görüntülərin fotoşəkillərini çəkmək imkanı verəcək”.
Xəbərdə həmçinin, ”iştirakçılar rəssam Vahap Avşarın cari sərgidə nümayiş olunan əsərinə əsaslanaraq parçalardan unikal kollaj kompozisiyası yaradacaq. Eləcə də uşaqlar fərdi olaraq karton və boyalardan planetlər düzəldəcək, daha sonra isə qrup şəklində planetləri birləşdirərək Günəş sistemini yaradacaq” deyə bildirilir.
Qeyd edək ki, ustad dərslərinin tütorları Elnarə Nəsirli, Emin Mathers, Fidan Abilova, Aytac Aydınova olacaq.
