Həmzə Yusuf Şotlandiyanın ilk müsəlman baş naziri olmağa hazırlaşır
BAYRAQDAR MEDİA – Güney Asiyadan olan mühacir valideynlərin övladı Həmzə Yusuf Şotlandiyanın müstəqilliyini müdafiə edən hakim Şotlandiya Milli Partiyasının (SNP) yeni lideri seçilib.
Bu barədə Trakyanin Sesi məlumat yayıb.
Məlumatda bildirilib ki, ikinci turda partiya üzvlərinin 52 faizinin səsini toplayan H.Yusif üçün martın 28-də Şotlandiya parlamentində səsvermə keçiriləcək: “O, səsvermədə qalib gəlsə, Şotlandiyanın baş naziri olacaq. Belə olan halda İngiltərə, Şotlandiya, Uels və Şimali İrlandiyadan ibarət Böyük Britaniyada müsəlman siyasətçinin belə yüksək səviyyəli mövqe tutması ilk dəfə olacaq. 37 yaşlı H.Yusuf, “Şotlandiyanın baş naziri vəzifəsində işləmək həyatımın ən böyük imtiyazı və şərəfi olacaq” deyib”.
Şotlandiyanın müstəqilliyə hər zamankindən daha çox ehtiyacı olduğunu bildirən H.Yusif İngiltərədən ayrılmağa qarşı çıxanları müstəqilliyə razı salacağını bildirib.
Qeyd edək ki, H.Yusufun atası Pakistan əsillidir və 1960-cı illərdə Şotlandiyaya mühacirət edib. Anası Keniyada Cənubi Asiyalı bir ailədə anadan olub.
