Son yeniləmə: 15 Mart 2023 10:39
BAYRAQDAR MEDİA – Novruz bayramı günlərində Azərbaycan teatrlarında müxtəlif tamaşalar nümayiş olunacaq.
Akademik Musiqili Teatrda martın 19-26 tarixləri arasında “O olmasın, bu olsun”, “Bəxtiyar”, “Buratino”, “Baladadaşın toy hamamı”, “Paris Notr-Dama ithaf” kimi tamaşalar teatrsevərlərə təqdim ediləcək.
Dövlət Kukla Teatrında 20-24 mart tarixləri arasında “Tıq-tıq və taq-taqın nağılı”, “Yeddi nar çubuğu”, “Cırtdan”, “Qızıl balıq” oynanılacaq.
Akademik Opera və Balet Teatrında “Cırtdan”, “O olmasın, bu olsun” da repertuara salınıb.
Həmçinin Akademik Milli Dram Teatrında 18-21 mart tarixləri arasında “Novruz” Uşaq tamaşaları olacaq.
Bundan əlavə, Dövlət Pantomima Teatrının direktoru, Əməkdar artist Elman Rəfiyev qeyd edib ki, bayram günlərində teatrda biri N.V.Qoqolun “Şinel”, digəri isə H.Cavidin “İblis” tamaşası olmaqla iki yeni tamaşa nümayiş olunacaq.
