BAYRAQDAR MEDİA – Qardaş Qırğızıstan Prezidenti Sadır Caparov martın 16-17-də qardaş Türkiyənin Ankara şəhərinə iş səfərinə gedəcək.
Bu haqda xəbəri BAYRAQDAR MEDİA-ya martın 15-də Qırğızıstan Prezidentinin Administrasiyasından veriblər.
Xəbərdə deyilir ki, səfərin məqsədi S.Caparovun Türk Dövlətləri Təşkilatının Ankarada keçiriləcək Zirvə görüşünə qatılmaqdır.
O da bildirilir ki, budəfəki Zirvə görüşünün əsas mövzusu “Təbii fəlakətlərin idarə edilməsi və humanitar yardım” olacaq.
Dövlət başçıları təbii fəlakətlərin meydana gətirdiyi fövqəladə məsələləri müzakirə edəcək, çıxış yolları, qarşılıqlı yardım ilə bağlı fikir mübadiləsi aparacaq.
Zirvə görüşü əsnasında ikitərəfli görüşlərin də keçirilməsi nəzərdə tutulur.
