Son yeniləmə: 15 Mart 2023 13:30
BAYRAQDAR MEDİA – Xəbər verdiyimiz kimi, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva və Agentliyin Beynəlxalq məsələlər üzrə nümayəndəsi Toğrul Məmmədli BMT-nin İnsan Hüquqları Şurasının 52-ci sessiyasında iştirak etmək məqsədilə İsveçrənin Cenevre şəhərində səfərdədirlər.
Səfər çərçivəsində Agentliyinin nümayəndə heyəti BMT-nin Cenevrədəki bölməsinin baş direktoru xanım Tatyana Valovaya ilə görüşüb.
Bu barədə BAYRAQDAR MEDİA-ya martın 15-də Agentlikdən məlumat verilib.
Bildirilib ki, Agentliyin icraçı direktoru Aygün Əliyeva Azərbaycanda vətəndaş cəmiyyətinin inkişafı eyni zamanda, Agentliyin bu istiqamətdə BMT-nin müxtəlif təsisatları ilə əməkdaşlıq etdiyini vurğulayıb: “Davamlı İnkişaf Məqsədlərinin əldə olunması istiqamətində Agentliyin BMT-nin rezident əlaqələndiricisi ilə memorandum imzaladığını və bu çərçivədə vətəndaş cəmiyyəti təsisatlarının fəallığını qeyd edib”.
Baş direktor isə öz növbəsində Agentliyin nümayəndə heyətini Cenevrədə görməkdən məmnun olduğunu və gələcəkdə BMT təsisatları ilə Agentliyin əməkdaşlığının Azərbaycan vətəndaş cəmiyyəti üçün müsbət nəticələr verəcəyinə əminliyini bildirib.
