Son yeniləmə: 14 Mart 2023 14:44
BAYRAQDAR MEDİA – Prizrenli oyma ustası və karikaturaçı rəssam Abdulhadi Zeman Prizren şəhər mərkəzində ikinci karikatura oyma işləri sərgisini açıb.
Kosovo Haber xəbər verir ki, oyma güzgülər və karikaturalar sərgisi Prizrenli və günəşli havadan yararlanmaq istəyən turistlərin diqqət mərkəzinə çevrilib.
Açıq hava sərgilərinə üstünlük verdiyini açıqlayan Abdulhadi Zeman məqsədinin daha çox insana çatmaq, gənclərə oyma və karikatura sənətini sevdirmək olduğunu bildirib.
80-ci illərdə komikslərlə sənətə qədəm qoyan A.Zeman 90-cı illərdə oyma sənəti ilə məşğul olmağa başladığını bildirib.
A.Zeman həmçinin Kosovo Demokratik Türk Partiyasına və Prizren Bələdiyyəsinə sərgini dəstəklədiklərinə görə təşəkkürünü bildirib.
