BAYRAQDAR MEDİA – “YAŞAT” Fondu tərəfindən şəhidlərin ailə üzvlərinin təhsil xərclərinin qarşılanması üzrə dəstək tədbirləri davam edir.
Bu haqda xəbər BAYRAQDAR MEDİA-ya martın 2-də “YAŞAT” Fondundan daxil olub.
Xəbərdə bildirilib ki, “şəhid Ruslan Tağıyevin övladı, İdrak Liseyinin 9-cu sinif şagirdi Fuad Tağızadənin 2 il ərzində tədris üzrə təhsil haqqı Fond tərəfindən ödənilib. Fuad, həmçinin 9-11-ci siniflər üçün təşkil edilmiş “Əziz Şuşa, sən azadsan!” mövzusunda inşa müsabiqəsinin qalibi olub”.
Qeyd edək ki, eyni zamanda şəhidin digər oğlu Poladın və qızı Nurayın təhsil haqları Fond tərəfindən qarşılanır.
