Son yeniləmə: 24 Fevral 2023 14:21
BAYRAQDAR MEDİA – Kahramanmaraşda baş verən zəlzələ Denizlinin önə çıxdığı tekstil sektoruna da böyük ziyan vurub.
Babadağ Sənayeçi və İş Adamları Dərnəyinin sədri Şeref Arpacı DRT televiziyasına müsahibəsində Denizli və Türkiyədə baş verən zəlzələnin fəsadlarından danışıb.
Deda Haberin məlumatına görə, Ş.Arpacı, xüsusilə Kahramanmaraşda baş verən zəlzələnin Denizli tekstil sənayesinə mənfi təsir göstərdiyini bildirib: “Toxuculuq sənayesi baxımından danışsaq, xüsusilə Maraş bölgəsi Denizli üçün kritik əhəmiyyət kəsb edir. Bura iplik fabriklərinin olduğu ərazidir”.
O, tekstil sənayesini çətin prosesin gözlədiyini bildirib: “Mən üç il və beş il nəzərdə tuturam, amma bəlkə də daha uzun müddətə bərpa oluna biləcək zərər var. Bunu aradan qaldırmaq və bərpa etmək bizim üçün çox çətindir. İqtisadi cəhətdən də çox çətin bir dövrə düşdük. Yüksək inflyasiya ilə mübarizə apardığımız və müəyyən mənada seçki iqtisadiyyatı yaşadığımız bir vaxtda bu fəlakətin başımıza gəlməsi də ölkə üçün maneədir”.
