Son yeniləmə: 21 Fevral 2023 01:04
BAYRAQDAR MEDİA – Pamukkale Universiteti (PAU) Psixiatriya Xəstəxanası Ailə və Sosial Xidmətlər İl Müdirliyinin koordinasiyasında zəlzələ qurbanlarına psixososial dəstək verəcək ruhi sağlamlıq işçiləri üçün təhsil proqramına başlayıb.
Universitetdən verilən xəbərə görə, Denizlidə Ailə və Sosial Xidmətlər İl Müdirliyində təşkil edilən təlimlər Dos. Dr. Onu Tuğçe Toker Uğurlu tərəfindən idarə edilib. Tibb fakültəsinin dekanı Prof. Dr. Osman İsmail Özdel və Ailə və Sosial Xidmətlər İl Müdiri Kadriye Bicinin iştirakı ilə keçirilən ilk təlimdə məsləhət xidmətinin davamlılığının təmin edilməsi qərara alınıb.
Təlimlərdə Pamukkale Universitetinin Psixiatriya fakültəsinin bütün professor-müəllim heyətinin iştirak edəcəyi bildirilib.
Bu həftə davam edəcək təlimlərdə psixi sağlamlıq mütəxəssislərinin psixoloji ilk yardımı necə göstərəcəkləri, nələrə diqqət etmələri, qarşılaşa biləcəkləri mümkün vəziyyətlər və bu vəziyyətlərdə nə etmələri kimi mövzular müzakirə olunacaq.
