BAYRAQDAR MEDİA – Fevralın 15-də Dövlət İmtahan Mərkəzində TOEFL iBT imtahanı keçirilib. İmtahan DİM-in Nəsimi rayonu, Abdulvahab Salamzadə küçəsi, 28 ünvanında yerləşən binasında təşkil olunub.
Bu barədə BAYRAQDAR MEDİA-ya DİM-dən məlumat verilib.
Bildirilib ki, imtahanda 17 nəfər iştirak edib: “İştirakçılar imtahan nəticələrini ETS-in saytında yaradılmış şəxsi hesab vasitəsilə 6 gün sonra onlayn şəkildə öyrənə bilərlər. Növbəti TOEFL iBT imtahanının 4 mart 2023-cü il tarixində keçirilməsi nəzərdə tutulur. Qeydiyyatdan keçmək qaydaları haqqında ətraflı məlumatı bu linkdən əldə etmək mümkündür”
