Son yeniləmə: 14 Fevral 2023 10:42
BAYRAQDAR MEDİA – Dövlət İmtahan Mərkəzində (DİM) ədəbiyyat və ingilis dili fənləri üzrə işçi qruplarının iclası keçirilib.
DİM-dən BAYRAQDAR MEDİA-ya fevralın 14-də verilən məlumata görə, gündəlik məsələ ədəbiyyat fənnindən qəbul imtahanlarında test bankının təkmilləşdirilməsi və sual kitabçalarının formalaşdırılması üçün nəzərdə tutulan xidməti kitabçanın, ingilis dili fənnindən isə 5-8-ci siniflər üzrə www.otk.az portalı üçün hazırlanmış yeni sınaq variantlarının müzakirəsi olub.
Məlumata əsasən, iclaslarda iştirakçılar tərəfindən müzakirə edilən məsələlər ilə bağlı fikir bildirilib və təkliflər verilib.
İşçi qruplarının növbəti iclası fevralın 20-də keçiriləcək.
