Son yeniləmə: 10 Fevral 2023 14:35
BAYRAQDAR MEDİA – Azərbaycanda altı min üç yüzdən çox tarix-mədəniyyət abidəsi dövlət qeydiyyatına götürülüb.
Bu barədə Mədəniyyət Nazirliyinin yanında Mədəni İrsin Qorunması, İnkişafı və Bərpası üzrə Dövlət Xidmətindən bildirilib.
Məlumata əsasən, abidələr dünya, ölkə və yerli əhəmiyyətli daşınmaz tarix və mədəniyyət abidələri kimi təsnif edilib.
O da qeyd edilib ki, dünya əhəmiyyətli abidələr 82, ölkə əhəmiyyətli abidələr 2 min 59, yerli əhəmiyyətli abidələr 4 min 167-dir.
