BAYRAQDAR MEDİA – Qardaş Türkiyədə fevralın 6-da baş vermiş zəlzələnin nəticələrini aradan qaldırmaq və insanları xilas etməklə bağlı Prezident İlham Əliyevin operativ tapşırığına əsasən yardımlar davam etdirilir.
Fövqəladə Hallar Nazirliyindən verilən xəbərə görə, fevralın 8-də daha 227 nəfər xilasedici qardaş ölkəyə yola salınıb.
“Qüvvələrin tərkibinə FHN-in Dövlət Yanğından Mühafizə Xidməti və Xüsusi Riskli Xilasetmə Xidmətinin müvafiq şəxsi heyəti daxildir. Axtarış-xilasetmə əməliyyatları üçün qüvvələri qardaş ölkəyə çatdıracaq təyyarə Heydər Əliyev Beynəlxalq Aeroportundan Türkiyənin Adana şəhərinə istiqamət alıb”, – deyə xəbərdə bildirilir.
