BAYRAQDAR MEDİA – Türk Dövlətləri Təşkilatının İstanbuldakı baş mərkəzinin önündə dalğalanan üzv dövlətlərin bayraqları yarıya qədər endirilib.
Bu haqda xəbəri fevralın 7-də TDT yayıb.
Xəbərdə deyilir ki, Türkiyənin Güney Doğusunda fevralın 6-da baş vermiş yıxıcı zəlzələdən sonra ölkədə 7 günlük matəm elan edilib. Bu matəm günlərində TDT baş mərkəzinin önündə dalğalanan üzv dövlətlərin bayraqları da yarıya qədər endirilib.
“Qardaş Türkiyənin xalqı və yönətimi ilə hər zaman dayanışma içində olan TDT türk xalqına bir daha başsağlığı diləklərini yenilərkən, həyatını itirənlərə Allahdan rəhmət, yaralılara acil şəfalar diləyir”, – deyə xəbərdə bildirilir.
Qeyd edək ki, fevralın 6-da Türkiyə Cümhurbaşqanı Recep Tayyip Erdoğan ölkədə zəlzələ qurbanlarının xatirəsinə 7 günlük matəm elan edib. Matəm 12 fevralda, gün batandan sonra başa çatacaq.
