Son yeniləmə: 6 Fevral 2023 09:29
BAYRAQDAR MEDİA – Seysmoloji xidmətlərin yaydığı xəbərə görə, fevralın 6-sı, yerli vaxtla səhər saat 4.17-də qardaş Türkiyənin Kahramanmaraş şəhərinin Pazarcık ilçəsi mərkəz olmaqla 7,8 bal gücündə zəlzələ olub (Mənbə: ABŞ Geoloji Xidməti). İnsanların yuxuda olduğu vaxt baş vermiş zəlzələ nəinki bu şəhərdə, ətraf vilayətlərdə də böyük dağıntılara və insan itkilərinə səbəb olub.
Hələlik ayrıntılarının dəqiqləşdirildiyi zəlzələ ilə bağlı Türkiyə Cümhurbaşqanı Recep Tayyip Erdoğan sosial media üzərindən açıqlama yayıb.
“Kahramanmaraşda meydana gələn və ölkəmizin bir çox yerində hiss edilən zəlzələdən etkilənən bütün vətəndaşlarımıza keçmiş olsun diləklərimi çatdırıram. İlgili bütün qurumlarımız AFAD koordinasiyasında hazırlıq halındadır.
“Zəlzələdən etkilənən bölgələrə arama və qurtarma qruplarımız dərhal göndərilmişdir. İç İşləri və Sağlıq nazirliklərimiz, AFAD, valiliklərimiz və digər bütün qurumlarımız çalışmalarına sürətlə başlamışlar.
“Biz də yaşanan zəlzələnin sonrası başladılan çalışmaları koordinə edirik. Yaşadığımız bu fəlakəti, inşallah, hamımız birlikdə ən qısa sürədə və ən az zərərlə atlatmağı təmənna edir, çalışmalarımız davam etdiririk”, – deyə R.T.Erdoğan yazıb.
