Son yeniləmə: 31 Yanvar 2023 14:56
“Həll təklifimiz qəbul olunmayınca heç bir danışıqlara başlanılmayacaq”
BAYRAQDAR MEDİA – Kuzey Kıbrıs Türk Cümhuriyyətinin Cümhurbaşqanı Ersin Tatar İngiltərənin “The Guardian” qəzetinə müsahibə verib.
KKTC-nin Bakıdakı nümayəndəliyindən verilən məlumata görə, E.Tatar müsahibəsində Kıbrıs probelminin həlli istiqamətində atılan addımlara aydınlıq gətirib. KKTC Cümhurbaşqanı iki dövlətli həll modeli qəbul edilməzsə, adanın davamlı olaraq problemlərlə baş-başa qalacağını deyib.
Məlumata əsasən, E.Tatar Kıbrısda yarım əsrdir müzakirə edilən federasiya həll modelinin indi vaxt itkisi olduğunu vurğulayıb: “Kıbrısda iki fərqli dövlət, iki fərqli xalq və iki fərqli mədəniyyət var, saatı geri çevirmək olmaz. Həll təklifimiz qəbul olunmayınca heç bir danışıqlara başlanılmayacaq”.
E.Tatar KKTC-nin Ankaranın müstəmləkəsi olacağı ilə bağlı iddialara isə belə cavab verdi: “Türkiyə bizim anavətənimizdir, biz türk millətinin bir parçasıyıq. Beynəlxalq ictimaiyyət embarqonu və təcrid rejimini aradan qaldırmasa, təbii ki, yardım aldığımız Türkiyə ilə inteqrasiyamız sürətlənəcək”.
