Son yeniləmə: 30 Yanvar 2023 11:21
BAYRAQDAR MEDİA – Azərbaycan Milli Elmlər Akademiyasının prezidenti, akademik İsa Həbibbəyli Ankara şəhərində Avrasiya Yazarlar Birliyinin sədri, yazıçı Yaqub Öməroğlu ilə görüşüb. Görüş İ.Həbibbəylinin qardaş Türkiyəyə səfəri çərçivəsində olub.
AMEA Rəyasət Heyəti aparatının Media və informasiya şöbəsindən BAYRAQDAR MEDİA-ya yanvarın 30-da verilən məlumata görə, görüşdə qarşılıqlı elmi-ədəbi əlaqələri müzakirə edib.
Məlumata görə, görüş zamanı Azərbaycan-Türkiyə elmi-ədəbi əlaqələrinin mövcud vəziyyəti və qarşıda duran vəzifələr haqqında fikir mübadiləsi aparılıb.
Avrasiya Yazarlar Birliyinin “Qardaş qələmlər” dərgisində Azərbaycan mövzusunun özünəməxsus yer tutması və daha da genişləndirilməsi məsələsi də nəzərdən keçirilib.
Müzakirədə Avrasiya Yazarlar Birliyinin üzvü, tanınmış şair Əli Akbaş da iştirak edib.
