Son yeniləmə: 27 Yanvar 2023 11:24
BAYRAQDAR MEDİA – Azərbaycan ilə Böyük Britaniya və Şimali İrlandiya Birləşmiş Krallığının müdafiə nazirlikləri arasında əməkdaşlıq planına əsasən ölkəmizdə Təhlükəsizlik və Partlayıcı maddələrin Tədrisi Beynəlxalq Məktəbinin mütəxəssisləri tərəfindən “Partlayış təhlükələri haqqında məlumatlandırma” üzrə təlim kursu keçirilir.
Bu barədə BAYARQDAR MEDİA-ya Müdafiə Nazirliyindən məlumat verilib.
Bildirilib ki, təlim kursunun keçirilməsində əsas məqsəd partlayıcı sursatların qalıqları ilə tanışlıq, onlarla davranış qaydaları, minalanmış ərazinin işarələnməsi və yaralıların həmin ərazilərdən təxliyəsi, həmçinin gələcəkdə bu təlimin öz mütəxəssislərimiz tərəfindən keçirilməsinin metodlarını tədris etməkdən ibarətdir.
Məlumata əsasən, hərbi qulluqçularımızın iştirakı ilə keçirilən kurs 2023-cü il fevral ayının 4-dək davam edəcək: “Qeyd edək ki, təlim kursu Azərbaycan Ordusunun Təlim və Tədris Mərkəzində, eləcə də “Qaraheybət” Təlim Mərkəzində nəzəri və praktiki olaraq keçirilir”.
