BAYRAQDAR MEDİA – Yanvarın 16-da Birləşmiş Ərəb Əmirliklərinin paytaxtında Əbu-Dabi Dayanıqlılıq Həftəsinin rəsmi açılış mərasimi keçirilir. Azərbaycan Prezidenti İlham Əliyev tədbirdə iştirak edir.
Xəbəri Prezidentin Mətbuat xidməti verib.
ARAYIŞ: Əbu-Dabi Dayanıqlılıq Həftəsi (Abu Dhabi Sustainability Week – ADSW) dünyanın dayanıqlı inkişafını sürətləndirmək üçün qurulmuş bir qlobal platformadır.
ADSW 2008-ci ildə qurulub. Gələcək nəsillərin dayanıqlı dünyada yaşamasını təmin etmək məqsədilə planetin ən önəmli məsələlərinin müzakirəsi üçün nəzərdə tutulub. Bu müzakirələrə siyasi liderlər, sənaye öncülləri, yatırımçılar, iş adamları və gənclər cəlb edilir.
