Son yeniləmə: 13 Yanvar 2023 11:26
Sosial müavinət və təqaüdlər artırıldı
BAYRAQDAR MEDİA – “Prezident İlham Əliyevin imzaladığı yeni Fərman və Sərəncamlar 2023-cü il üzrə yeni sosial islahat paketi çərçivəsində əhalinin rifahının yaxşılaşdırılması, bir sıra kateqoriyalara, o cümlədən şəhid ailələrinə, müharibə ilə əlaqədar əlilliyi olan şəxslərə və b. yönələn sosial ödənişlərin artırılması istiqamətində növbəti mühüm addımların atılmasını təmin edir. Bununla da son beş ildə artıq dördüncü sosial islahat paketi reallaşır”.
Əmək və Əhalinin Sosial Müdafiəsi Nazirliyindən BAYRAQDAR MEDİA-ya yanvarın 13-də verilən məlumatda belə deyilir.
Qeyd edilir ki, imzalanmış yeni Fərman və Sərəncamlara əsasən, 2023-cü ilin 1 yanvarından:
Şəhid ailəsi üçün Prezidentin aylıq təqaüdü — 600 manata çatdırılır;
Müharibə, 20 Yanvar, hərbi xidmət vəzifələrini yerinə yetirməklə və Çernobıl AES-də hərbi xidmətlə əlaqədar əlilliyi müəyyən edilmiş şəxslərə Prezidentin aylıq təqaüdü, orqanizmin funksiyalarının:
81-100 faiz pozulmasına görə (I dərəcə) – 500 manata,
61-80 faiz pozulmasına görə (II dərəcə) – 400 manata,
31-60 faiz pozulmasına görə (III dərəcə) – 330 manata çatdırılır. ;
Məlumata əsaəsn, uşağın anadan olmasına görə birdəfəlik müavinət 500 manata çatdırılır.
Həmçinin, dəfn üçün birdəfəlik müavinət 500, Radiasiya qəzası nəticəsində zərər çəkmiş şəxslərə hər il müalicə üçün birdəfəlik müavinət 300, Əlilliyi olan şəxslərə müavinət, orqanizmin funksiyalarının: 81-100 faiz pozulmasına görə (I dərəcə) 270, 61-80 faiz pozulmasına görə (II dərəcə) 220, 31-60 faiz pozulmasına görə (III dərəcə) 150 manata çatdırılır.
Bundan başqa, ümumi səbəblərdən orqanizmin funksiyalarının 81-100 faiz pozulmasına görə (I dərəcə) gözdən əlilliyi müəyyən edilmiş şəxslərə Prezidentin aylıq təqaüdü 300, ümumi səbəblərdən orqanizmin funksiyalarının 81-100 faiz pozulmasına görə (I dərəcə) əlilliyi müəyyən edilmiş şəxslərə (gözdən əlilliyi olan şəxslər istisna olmaqla) Prezidentin aylıq təqaüdü 200, 1941-1945-ci illər Böyük Vətən müharibəsi iştirakçılarına Prezidentin aylıq təqaüdü 330, yaşa görə müavinət 220 manata çatdırılır.
Məlumatda deyilir ki, ailə başçısını itirməyə görə müavinət (hər ailə üzvü üçün) 120, bir yaşınadək uşağı olan aztəminatlı ailələrə (ünvanlı sosial yardım alan) hər uşağa görə müavinət 100, beşdən çox uşağı olan qadınlara hər uşağa görə müavinət 105 manata çatdırılır.
Məlumda həmçinin deyilir;
Orqanizmin funksiyalarının 81-100 faiz pozulmasına görə (I dərəcə) və 18 yaşınadək əlilliyi olan şəxslərə qulluq edənlərə Prezidentin aylıq təqaüdü – 100 manata çatdırılır;
Əsas iş yeri üzrə elm və təhsil müəssisələrində azı 25 il çalışmış, elmi dərəcəsi olan, işləməyən pensiyaçılara
Prezidentin aylıq təqaüdü:
elmlər doktoru elmi dərəcəsinə görə – 500 manata,
fəlsəfə doktoru elmi dərəcəsinə görə – 300 manata çatdırılır;
Fəxri adlara layiq görülmüş şəxslərə aylıq təqaüd:
“Xalq” fəxri adına görə -200 manata,
“Əməkdar” fəxri adına görə -150 manata çatdırılır;
Prezidentin fərdi təqaüdü – 1500 manata çatdırılır;
Yeni Fərman və Sərəncamlarla ümumilikdə 660 min nəfərə yönələn sosial ödənişlərin artırılması təmin edilir. Qeyd edək ki, 2023-cü ildə yeni sosial islahat paketi üzrə 1,9 milyon vətəndaşı əhatə edən sosial ödənişlərdə növbəti artımlar üçün illik əlavə 750 milyon manat vəsait nəzərdə tutulub”.
