BAYRAQDAR MEDİA – Respublika fənn olimpiadalarının rayon (şəhər) mərhələsinin nəticələri açıqlanıb.
Bu barədə Elm və Təhsil Nazirliyindən məlumat verilib.
Məlumatda qeyd edilib ki, şagirdlər nəticələri ilə bu saytdakı şəxsi kabinetləri və ya təhsil aldıqları ümumi təhsil müəssisələri vasitəsilə tanış ola bilərlər.
Məlumata əsasən, rayon (şəhər) mərhələsinin nəticələri ilə bağlı ərizələr 3 iş günü ərzində qəbul edilir: “Müraciətlər bu elektron ünvana yazılı şəkildə göndərilməlidir. Qeyd edək ki, növbəti mərhələ informatika fənni üzrə fevralın 18-də, digər fənlər üzrə fevralın 25-də keçiriləcək”.
Növbəti mərhələdə iştirak üçün buraxılış vərəqələrinin yüklənməsi fevralın 1-dən 15-dək bu sayt vasitəsilə həyata keçiriləcək.
