BAYRAQDAR MEDİA – ABŞ-Azərbaycan Mədəniyyət Fondunun İdarə Heyəti Arye Gut adına həvəsləndirici beynəlxalq mükafat təsis etmək qərarına gəlib.
Bu haqda xəbəri Fondun qurucusu, ABŞ-da yaşayan İsrail əsilli jurnalist Nurit Grenger yanvarın 5-də özünün News Blaze nəşrindəki yazısında elan edib.
https://newsblaze.com/world/eurasia/award-named-after-late-arye-gut_189198/
N.Grenger qeyd edir ki, mükafat hər il xüsusi təşkil edilmiş mərasimdə təqdim olunacaq. Mükafat Azərbaycanla İsrail arasında münasibətlərin möhkəmlənməsinə xidmət edən şəxs və ya quruma veriləcək.
O da bildirilir ki, Arye Gut adına ilk mükafat 2023-cü ildə Bakıda nümayişi nəzərdə tutulan “Bir göz qırpımında” adlı sənədli filmin təqdimatı zamanı veriləcək.
Qeyd edək ki, yəhudi əsilli Azərbaycanlı jurnalist, siyasi şərhçi Arye Gut 1975-ci ildə Bakıda anadan olub. O, 2000-ci ildə İsrailə köçsə də Azərbaycanla əlaqələri daha yüksək səviyyədə davam etdirib. Ötən müddət ərzində Arye Gut iki ölkə və iki xalq arasında münasibətlərin yaxşılaşması üçün yorulmadan çalışıb. Təəssüflər olsun ki, uzun sürən xəstəlik sonucu Arye Gut 20 sentyabr 2022-ci ildə dünyasını dəyişib.
