Bu dəfə də Bosniya və Herseqovinada…
BAYRAQDAR MEDİA – Bosniya və Herseqovinanın iki qurumundan biri olan Serb Respublikası Milli Assambleyası (NSRS) konstitusiyaya olaraq zidd daşınmaz əmlaklar haqqında qanunu qəbul edib. Bu qanun Ali Nümayəndəlik Ofisi (OHR) və ABŞ-ın Sarayevo səfirliyinin sərt reaksiyası ilə qarşılanıb.
Balkan News xəbər verir ki, OHR-dən N1 televiziya kanalına verilən açıqlamada, daşınmaz əmlakla bağlı qanunların yalnız Bosniya və Herseqovina parlamenti tərəfindən qəbul edilə biləcəyi bildirilib:“Bosniya və Herseqovina Konstitusiya Məhkəməsi dəfələrlə bəyan edib ki, daşınmaz əmlak məsələsi birtərəfli qaydada həll edilə bilməz. Birtərəfli addımlar qəbuledilməzdir. Bu cür addımlar qanunun aliliyinə və hüquqi təhlükəsizliyə xələl gətirir, təhlükəsiz biznes və investisiya mühitinin yaradılmasına mane olur”.
ABŞ-ın Sarayevo səfirliyindən verilən açıqlamada, NSRS-nin qərarının Bosniya və Herseqovina Konstitusiyasına aid faktları və Konstitusiya Məhkəməsinin qərarlarını dəyişdirə bilməyəcəyi bildirilib.
