Son yeniləmə: 29 Dekabr 2022 13:56
BAYRAQDAR MEDİA – Batı Trakya Azlığı Güney Meriç Təhsil və Mədəniyyət Dərnəyi Gənclik Qolları üzvləri İskeçe Türk Birliyini (İTB) ziyarət edərək İTB Gənclik Qolları ilə bir araya gəlib.
Birlik Gazetesi xəbər verir ki, İTB Gənclik Bölməsi rəhbərliyinin dəvəti ilə İskeçeyə gələn Meriç bölgəsindən olan gənclər iskeçeli dostları ilə görüşmək fürsəti əldə ediblər: “Bütün məhdud imkanlara baxmayaraq milli dəyərlərini qoruyub saxlayan gənclərin fəaliyyəti ilə bağlı məlumatları dinləyən İskeçe Türk Birliyi Gənclik Qolu üzvləri bundan məmnun olublar”.
Onlar türklərin az olmasına baxmayaraq gənc dostlarının Dedeağaç bölgəsindəki səylərini, mübarizə əzmini yüksək qiymətləndiriblər. İTB klubda söhbətdən sonra Gənclər Qolunun rəhbərləri bir-birinə hədiyyələr təqdim ediblər.
Batı Trakiyanın iki fərqli bölgəsindən ilk dəfə bir araya gələn gənclər bu cür fəaliyyətlərin artırılmasını arzuladıqlarını bildiriblər.
