BAYRAQDAR MEDİA – Kembric Universiteti Nəşriyyat və Qiymətləndirmə qurumunun rəsmi test mərkəzi olan Dövlət İmtahan Mərkəzi (DİM) ingilis dili müəllimləri üçün bilik və bacarıqları beynəlxalq səviyyədə təsdiq edən TKT (Teaching Knowledge Test) kvalifikasiyasının modulları üzrə imtahan təşkil edir.
Bu barədə BAYRAQDAR MEDİA-ya dekabrın 29-da DİM-dən məlumat verilib.
Məlumatda bildirilib ki, aşağıdakı TKT modulları üzrə imtahanlar təklif edilir:
-TKT Modul 1
-TKT Modul 2
-TKT Modul 3
-TKT Module YL (azyaşlı öyrənənlərə dilin tədrisi)
-TKT Module CLIL (dilin məzmunla inteqrativ tədrisi)
Qeyd edilib ki, imtahan 2023-cü il fevralın 25-də keçiriləcək: “Son qeydiyyat tarixi yanvarın 11-dir. Xatırladaq ki, DİM Kembric Universiteti Nəşriyyat və Qiymətləndirmə qurumunun rəsmi test mərkəzlərindən biri olaraq Cambridge English Qualifications (Kembric ingilis dili kvalifikasiyaları), Cambridge English Teaching (Kembric ingilis dilinin tədrisi) və LinguaSkill imtahanlarını təşkil edir. Qeydiyyat üçün bu linkə daxil olmaq lazımdır”.
